हडपसर : ज्येष्ठ नागरिक संस्था, हडपसर यांच्या तर्फे सभासदांसाठी एक विशेष कार्यक्रमाचे आयोजन करण्यात आले आहे. उद्या, शनिवार दिनांक ९ नोव्हेंबर २०२४ रोजी सायंकाळी ५ वाजता विरंगुळा केंद्र येथे हा कार्यक्रम पार पडणार आहे. संस्थेचे माननीय कार्यकारिणी सदस्य श्री ह.भ.प. सुभाष महाराज बडधे यांच्या हस्ते कविता वाचन आणि रसग्रहण सत्र होणार आहे.
या कार्यक्रमात सुभाष महाराज बडधे यांच्या कवितांचे सादरीकरण होणार असून त्याच्या माध्यमातून रसिकांना कवितांचे गोडवे अनुभवायला मिळतील. सर्व सभासदांना कार्यक्रमात उपस्थित राहून या साहित्यिक सोहळ्याची शोभा वाढवावी, असे आवाहन ज्येष्ठ नागरिक संस्थेचे प्रतिनिधी श्री. ध.श्री. बनछोड यांनी केले आहे.
कार्यक्रमाचा आस्वाद घेण्यासाठी सर्व ज्येष्ठ नागरिकांनी मोठ्या संख्येने हजर राहावे, अशी विनंती आयोजकांनी केली आहे.
